AIZAWL HMAR KTP PRESBYTERY MEET BAWNGKAWN KOHHRAN AH

June Ni 7-9 chhung hian Kan Kohhran chuan Aizawl Hmar Presbytery Meet kan lo thleng dawn ta reng mai. Tunlai hian BiakIn chung sak mek chu Fellowshipna atan hman anih theih nan hnatlang theih tawp chhuah thin a ni a. Kohhran hnatlang, Pavalai leh KTP lam te zantin deuh tho thawkchhuakin kan thawk mup mup mai a ni. Tunah hian Presbytery Meet atana department hrang hrang ten hma an la mek a. Reception & decoration lam ten badge te siamin an buai hle a. Editorial Board ten Bulletin buaipuiin an buai mup mup bawk. Tin, Refreshment lam te pawhin eitur tuihnai tak min hlui an tum a, tan an la nasa hle.
           He Meet atan hian Pandal sak hnatlang te neih a ni ang, he Meet hi tluang taka kan hman theih nan Pathian hnenah i dil theuh ang u.