Ni 28 Feb 2011 KTP Request Programe

Tv BTA-Urhsun taka Pathian faka zai hian rilru chu a khawih thin teh sin!!!

Patea ph theihpa top a a thiam danin a partner thar nen hlim takin an zai e!!

KTP Champions Legue lo om tura Team tur pawh fel a ni ta....

Kan Thusawitu Tv Rotlinga, duhsak takin a ke kal pawh phal lovin David Pachakan a paw thleng zak mai....

Marka leh Mathaia (MARTHAIA) Group OB combine choir!!! An thiam teh sin ooo....

read more

Musical Night

 

 

Bawngkawn branch KTP te chuan November 29, 2010 khan Musical night hlimawm tak an hmang a. KTP property hlui te hlimawm takin an lilam nghal bawk.

He Musical night-a program an hman dan chu hetiang hi a ni.:-
Hruaitu : Pu H. Lalsiamthara, Asst. Secy
Tantu : Tv. Malsawmtluanga, Matthaia grp
Reports : Tv. Lalruatfela, Secy-Music Committee

musical night ah hian Rising Day Beat Group intihsiakna a Pakhatna leh Pahnihna (Matthaia grp leh Luka grp) group band te'n special item an present a. an hmuhnawmin ngaihthlak a nuam ngei mai. Hei mai bakah hian KTP Hmeichhe band te'n krismas Hla medley ngaihnawm takin an raen present bawk.

Live band te bakah Solo ngaihnawm tak mai Tv. El-Bethela, Nl jenny Zomuansangi leh Nl. Lalmuanawmi te'n an hlui a. male voice (Acappella) an che bawk. Hranghlui Duet- Pu C. Lalkhamliana leh Pu C. Tlanghmingthanga te'n lungrun takin inkhawm te an awi a. Tv. Lalzeliana'n Guitar Solo puitham tak mai a nei zui leh bawk.

He'ng bakah hian Nl. H.S Lalmuanpuii, Missionary hna thawk mek in a rawngbawlna report Thalaite cho chhuak thei tak mai a pe a. An rawngbawlna te Lalpa'n mal a sawm avangin leh Pathian hruaina ropui tak kawng hrang hrangah an dawn a vangin KTP member te an lawm hle.

Hemi zana item pui tak mai chu KTP bungraw hlui lilam a ni. Branch Secy. Pu H. Lalsiamthara'n lilamna a huaihawt a, member te rin aiin a hot a, an chhang huai thei hlawm hle. KTP microphone bawm hlui pawh Rs. 100 in an khul a, sound cable bung 3 mtrs vel pawh Rs. 100 bawkin an khul leh mai. A huaihawt tu in a thiam bawk a member kalkhawm te chawkphurtu ber pakhat a ni.

read more

KTP Bawngkawn branch 43rd Rising Day

Bawngkawn KTP Rising Day vawi-43 na lawmna kal zel ah a hawn zan a indoor items intihsiak bakah 5th and 6th november khan Bawngkawn Brigade Field-ah outdoor items hlimawm takin member te'n an hmang.
Outdoor sport-ah hian Mipa leh Hmeichhia football, volleyball, Spoon Race, March Pass, Dead Ball leh Atom Bomb thlak te in Group pali te an intihsiak a. Intihsiakna chi hrang hrangah Johana Group te an che tha hle a ni.
Rising Day lawmna sport item hrang hrang a intihsiakna neih hnu ah 8th, Nov, 2010 zan khan Rising Day lawmna hun hnuhnung neih a ni a, hemi zanah hian Zaipawl, Quartet leh In Nuihsiak/In tum siak in Group te an inel leh a. 'Hmanlai Zan' a KTP Miss leh KTP Mister result bakah intihsiakna result chi hrang hrang puan nghal a ni a. Award chi hrang hrang hlimawm tak sem a ni bawk.
Hmanlai Zan KTP Miss - Nl. Lalthanmawii Hrahsel.
Hmanlai Zan KTP Mister - Tv. Ronghakthanga
Tlawmngai ber Award - Tv. S. Lalruatkima & Tv. K.C Laltanpuia
Hla Zir taima ber Award - Tv. B. Vanlalmuana
Activities hrang hrang a kal
hma thei ber Award - Tv. Lalbiaktluanga (B.T-a)

read more

Rising Day Vawi 43-na lawmna hun hawng

Dt 1st Nov, 2010 Thawhtan zan khan Bawngkawn KTP Rising Day Vawi 43-na lawmna hun ropui taka hawn a ni. Hemi zan inkhawmah hian intihsiakna hrang hrang:- Quiz, Extempore Speech leh Beat Contest te neih a ni . Hemi zan hi 'Hmanlai zan' huna hman a ni a. Member inkhawm zawng zawngte hun kaltaa Mizo inchei dan hrang hranga incheiin Hmanlai zan Contest hi neih a ni bawk a, a hlimawm hle. Member zawng zawngin he hun hi kan hlut hle a, inkhawm pawh a nuam dang dai hle. Tunkar Zirtawp leh Inrinniah Outdoor Games hrang hrang hmangin in elna neih chhunzawm leh tur a ni.

read more

Aizawl North Area Sangati Meet Vawi-17na

Dt 30 October,2010 inrinni zan atang khan Aizawl North Area Sangati Meet Vawi 17-na chu kan Kohhran ah hman a ni a. Pathianni nileng leh zan thlengin hun hman a ni. Thupui atan "Apna Pran Lekar bhag ja ( I nunna turin tlan chhuak rawh)" Gen 19:17 chu hman a ni a. Speaker atan Rev Darkhuma hman a ni. He hun hi a ropui hle, hnam dangte Pathian faka an lam chu hmuh a nuam in rilru a khawih hle. Ringthar mi 12 laiin Baptisma an chang bawk. Pathianni zan khan he khawmpui hi a tiak ta.

read more

Masihi Sangati Meet hmang dawn

Zanin atanga tan turin kan Kohhranah Masihi Sangati Aizawl North Area Meet kan Kohhranin kan thleng dawn. Kohhran hote kan inbuatsaih nasa hle. Vawiin hian hnamdang ringlote hall-ah hruaikhawmin zanriah siam sak an ni ang a; zanah inkhawmpui nghal an ni ang. Naktuk nileng leh zan ah te he inkhawmpui hi hman chhunzawm a ni ang a ni ang.

read more