KTP Bawngkawn branch 43rd Rising Day

Bawngkawn KTP Rising Day vawi-43 na lawmna kal zel ah a hawn zan a indoor items intihsiak bakah 5th and 6th november khan Bawngkawn Brigade Field-ah outdoor items hlimawm takin member te'n an hmang.
Outdoor sport-ah hian Mipa leh Hmeichhia football, volleyball, Spoon Race, March Pass, Dead Ball leh Atom Bomb thlak te in Group pali te an intihsiak a. Intihsiakna chi hrang hrangah Johana Group te an che tha hle a ni.
Rising Day lawmna sport item hrang hrang a intihsiakna neih hnu ah 8th, Nov, 2010 zan khan Rising Day lawmna hun hnuhnung neih a ni a, hemi zanah hian Zaipawl, Quartet leh In Nuihsiak/In tum siak in Group te an inel leh a. 'Hmanlai Zan' a KTP Miss leh KTP Mister result bakah intihsiakna result chi hrang hrang puan nghal a ni a. Award chi hrang hrang hlimawm tak sem a ni bawk.
Hmanlai Zan KTP Miss - Nl. Lalthanmawii Hrahsel.
Hmanlai Zan KTP Mister - Tv. Ronghakthanga
Tlawmngai ber Award - Tv. S. Lalruatkima & Tv. K.C Laltanpuia
Hla Zir taima ber Award - Tv. B. Vanlalmuana
Activities hrang hrang a kal
hma thei ber Award - Tv. Lalbiaktluanga (B.T-a)

read more

Rising Day Vawi 43-na lawmna hun hawng

Dt 1st Nov, 2010 Thawhtan zan khan Bawngkawn KTP Rising Day Vawi 43-na lawmna hun ropui taka hawn a ni. Hemi zan inkhawmah hian intihsiakna hrang hrang:- Quiz, Extempore Speech leh Beat Contest te neih a ni . Hemi zan hi 'Hmanlai zan' huna hman a ni a. Member inkhawm zawng zawngte hun kaltaa Mizo inchei dan hrang hranga incheiin Hmanlai zan Contest hi neih a ni bawk a, a hlimawm hle. Member zawng zawngin he hun hi kan hlut hle a, inkhawm pawh a nuam dang dai hle. Tunkar Zirtawp leh Inrinniah Outdoor Games hrang hrang hmangin in elna neih chhunzawm leh tur a ni.

read more

Aizawl North Area Sangati Meet Vawi-17na

Dt 30 October,2010 inrinni zan atang khan Aizawl North Area Sangati Meet Vawi 17-na chu kan Kohhran ah hman a ni a. Pathianni nileng leh zan thlengin hun hman a ni. Thupui atan "Apna Pran Lekar bhag ja ( I nunna turin tlan chhuak rawh)" Gen 19:17 chu hman a ni a. Speaker atan Rev Darkhuma hman a ni. He hun hi a ropui hle, hnam dangte Pathian faka an lam chu hmuh a nuam in rilru a khawih hle. Ringthar mi 12 laiin Baptisma an chang bawk. Pathianni zan khan he khawmpui hi a tiak ta.

read more

Masihi Sangati Meet hmang dawn

Zanin atanga tan turin kan Kohhranah Masihi Sangati Aizawl North Area Meet kan Kohhranin kan thleng dawn. Kohhran hote kan inbuatsaih nasa hle. Vawiin hian hnamdang ringlote hall-ah hruaikhawmin zanriah siam sak an ni ang a; zanah inkhawmpui nghal an ni ang. Naktuk nileng leh zan ah te he inkhawmpui hi hman chhunzawm a ni ang a ni ang.

read more

College Veng Branch nen hun hmang

Kan Branch leh College Veng Branch te chuan Dt 18 October, 2010 khan College Vengah hun kan hmang. Kan Branch atangin Member 170 chuang lai kan thawkchhuak thei a. Hun hlimawm tak kan hmang ho. Kan Branch atanga Female Band te chuan lawm an hlawh hle. Line up hetiang hi a ni. Vocals: Lalbiaknipuii. Guiter: Rdi. Bassist: Mabiakhlui Drums:Rosalynn. College Veng Branch hian kum tir lamah min rawn tlawh tawh bawk

read more

Upa nemngheh inkhawmah Kohhran Zaipawl an zai

Dt 10.10.2010 Pathianni khan Durtlang Kohhrana Presbytery neih a Upa nemngheh inkhawmah kan Kohhran Zaipawl chu an zai a. Zaipawl Member pawh an thahnem hle. Mi za chuang laiin Upa nemnghehna hla hi an rem thei a, a lawmawm hle. Kan Kohhran atangin mi pathum nemngheh an ni bawk. Chungte chu: Upa V. Lalsiamthara, Upa H.S. Ngurchhuankima leh Upa K. Lalchungnunga te an ni. Pathian hruainaa leh awmpuina an chan zel theih nan i tawngtai pui zel ang u.

read more